中五 BAFS 成績未如理想，升到中六先開始補底，係咪已經太遲？
如果每一年都有人可以新修用九個月時間就處理好三年課程，咁呢一個「遲」，好可能只係同學比自己既一個藉口。只要搵啱方法，你都可以學得好輕鬆、好舒服。
成績未如理想嘅時候，你應該首先做一個分析，究竟個錯誤係喺邊一個層次：
1. 基本概念完全未摸熟：喺冇基本概念嘅情況之下，不斷做唔同嘅考試題目都係無補於事。
2. 已經知道書本嘅內容：書入邊寫嘅嘢、老師教住做嘅時候佢都識，但係望到考試題目就卡住咗喺度。
3. 其實知道點樣做：但喺處理題目要求，或者寫步驟表達答案方面冇跟從考試嘅規矩，用咗自己嘅邏輯思考去表達，最終失去分數。
所以，中六追成績最怕既並唔係「遲」，而係無對症下藥。好多同學擔心唔夠時間做 past paper，就選擇去全份卷由頭到尾咁樣做，不停操卷。對完答案之後發覺分數未如理想，就諗住做多份卷可以進步。
呢一種嘅勤力係幫唔到手，反而會浪費時間重複犯錯，打擊信心。
有效既做法係先診斷弱點，再按「Concept → 題型 → 操卷」逐層補回。
插圖 1｜BAFS 補底的三層次序：Concept → 題型 → 操卷
中五成績差，點追？
唔少同學喺收到一份測驗卷嘅時候，見到成績唔理想，就諗住去做改正：跟返個答案去改一次，或者將課本教嘅內容重新睇多一次。如果你真係好清晰知道自己個課題係錯啲乜嘢，呢一個方式都仍然有效。
但係更加多同學遇上嘅問題，係其實佢學緊目前嘅課題，但冇意識到相關概念早喺四個課題之前已經出現咗斷層，而呢啲錯誤同概念缺失係一路累積緊落去，只不過係喺最近學習嘅課題先至一次過反映出嚟。喺呢個時候，同學真正需要處理嘅係嗰啲早幾課已經學咗嘅課題，並唔係最新學習緊嘅呢一課。
考試嘅常見例子，就係同學發現錯誤更正（Correction of Errors）同埋有限公司（Limited Companies）呢兩個課題唔識，就好努力去操呢兩個課題嘅題目。但同學未必有意識到，其實呢兩個課題都係由之前嗰四個期末調整（Period-end Adjustment）課題累積而成嘅結果。
如果你想知道自己有冇出現呢個情況，其中一個方法係將你最近一次嘅測考試卷 send 俾 Simon 睇，包括問題簿、你寫嘅答案，同埋你獲得嘅分數。
Simon 會為你分析你目前嘅強弱項分別喺邊一度，以及最快進步嘅方法係首先溫邊一個課題。我希望你通過呢個檢視，可以好快速咁樣知道自己個提升位置喺邊度。最快喺一個課題當中令自己重拾信心。
免費下載：BAFS 會計免費資源合集。
第一層：先補 Concept，否則做再多題都只係撞答案
BAFS 會計經常俾同學一個骨牌效應好重嘅感覺，因爲呢一科嘅長題目，好多時都係將超過四個課題嘅內容放喺同一條題目入邊考核。就算你望到條題目只係得 10 分，看似唔多，背後已經隱含咗有四個課題嘅內容喺入邊。
如果同學要清理概念內容，可以先集中做一啲考核單一課題嘅 past paper，即係並冇牽涉到跨課題嘅題目。當同學喺單一課題嘅情況能夠處理得好，後期就可以提升自己去到處理跨課題嘅題目。喺清 concept 嘅時候，你應該要可以用簡單易明、自己聽得明嘅方式，去解釋嗰個概念，包括每一個會計入賬背後嘅原理同邏輯係點樣。
第二層：由「識概念」變成「識做題」，集中拆題型
去到第二個層次，你會開始接觸跨課題嘅題目。如果你喺呢度開始感受到有困難，你應該停一停，首先梳理一下呢一個課題其實會有乜嘢唔同嘅考問方式。先由 past paper 最經常會出現嘅考問方式去做起，做熟咗經常出現嘅方式之後，先至慢慢轉去一啲比較陌生嘅考問方法。呢一個階段嘅進步流程係：
1. 首先克服到最常出現嘅題目
2. 然後提升到出現次數相對比較低，但係 past paper 仍然有考過嘅陌生題目
3. 最後再提升到做一啲 past paper 完全未考過嘅陌生題型，去考驗自己識唔識得應變，同埋諗唔同嘅做題思路
第三層：Concept 同題型穩定後，先開始限時操卷
當你能夠做到準確度，下一步你要訓練嘅，就係自己完成題目嘅時間。部分同學喺呢一步未必要多花時間，因為考試作答得快嘅背後，係概念清晰，對考試考核嘅題型非常之熟悉。
如果你訓練到自己望到條題目嘅作業要求，已經好清晰知道要做啲乜嘢步驟，咁你要訓練嘅，只係將你腦袋諗到嘅步驟書寫做答案要求嘅寫字速度、抄寫數字嘅準確度加速度，同埋學識減省不必要嘅文字作答內容。
呢一科有部分嘅文字係喺課本會寫，但係喺考評局嘅評卷參考入邊係冇給予任何分數。當然，有一啲文字冇寫到，可能會產生一種個報表唔整齊嘅感覺，但係考試我哋要分秒必爭，我哋需要好清晰地知道邊啲文字係必須項目、邊一啲文字係可以選擇嘅項目。咁樣你先有提升速度嘅空間。
插圖 2｜錯題不要只寫「粗心」，先分清概念、應用及表達問題
免費下載：BAFS 會計免費資源合集。
延伸閱讀：DSE BAFS 溫習技巧｜溫書唔係淨係背 Notes，掌握更有效的溫習方向
家長可以點幫？先看錯因，不要只看分數
如果家長留意到子女嘅 BAFS 分數唔理想，好可能喺因為冇足夠認知嘅情況之下，將問題歸咎於同學冇努力去讀、冇努力去溫、溫書唔夠等等。雖然呢個的確可能係其中一個原因，但係更常見嘅情況，係同學俾咗好多努力落去溫，但係因為方法用得唔正確，所以一路都未產生到一個好嘅成績。
呢個時候，先唔好俾壓力俾子女講未來呢一次要點樣進步。建議先將最近一次嘅測考成績交俾 Simon 去做一個完整分析、對症下藥，咁樣先係真正幫到子女嘅方法。
想進一步有系統補底？可以了解明道 BAFS 相關課程
如果完成錯題分類後，發現自己需要較有系統地重整會計概念、題型與練習，可以進一步了解明道 BAFS 會計課程。現時可參考以下兩個課程頁，實際課程內容、程度及安排以課程頁最新資料為準：
• 2027 BAFS Accounting Hero Class
• 2027 BAFS Accounting Elite Class
如果你唔確定自己應唔應該加入最近一期課程，定係需要首先補底去追補之前嘅課堂，你都可以先同 Simon 聯絡，去做一個初步診斷。我哋會根據你嘅情況去話你知最適合你嘅下一步。
想知道自己應該由邊度補起？
將最近一次學校測驗卷或成績 send 俾我（WhatsApp Simon），可獲免費錯題分析，兩日內回覆。你會知道自己主要係概念不清、題型判斷未穩，定係真正的疏忽。
想試堂，有兩個安排：可以親身到佐敦向 admin 借 iPad 睇體驗課堂錄影（約 1 小時 45 分鐘），當日教學筆記可以帶走；亦可以直接參與 Live 常規課堂。想了解邊個安排較適合，可以 WhatsApp Simon 查詢 BAFS 試堂。
關於明道導師 Simon Wong
Simon Wong 為明道教育 BAFS／會計科導師。教學重點不只在於對答案，而是協助學生由概念、題型判斷到答題步驟逐層拆解錯因，令學生知道每一次失分應該如何修正。