物理號 - The Physics Voyage 十冊完整星圖系列
課程概覧
物理號 THE PHYSICS VOYAGE
◆ 一個核心信念：知識，係由概念砌出嚟
讀咗咁多年物理，我越嚟越肯定一件事：所有知識，其實都係由一個個概念（concept）砌出嚟。 你喺試卷見到嘅每一條題、每一個情境，拆到最底，都係幾個基本概念嘅組合。題目年年變，但概念有限；只要你掌握到底層嗰幾粒「星」，無論題目點包裝，你都認得返佢嘅本質。
◆ 456 粒星，砌成一幅屬於你嘅星圖
物理號將成個 syllabus 拆成 456 個概念：一個概念一版，一版就係星圖上一粒星；星與星之間有航線（↔ 跨課題連繫）連住。當你一粒一粒將星點亮，成幅圖會慢慢浮現 —— 嗰一刻，你就唔再係死記一條條 fact，而係真正睇通成個課題。而所有星圖嘅終點，都係同一個寶藏：5★★。
◆ 全套十冊 · 一課題一冊
卷一・必修（Paper 1，人人必考） 5 冊 —— 熱和氣體｜力與運動｜波動｜電與磁｜放射現象與核能
卷二・選修（Paper 2，四選二） 4 冊 —— 天文學與航天科學｜原子世界｜能量和能量的使用｜醫學物理學
零號《領航》應試攻略 由今日到開考嘅作戰地圖 —— 十個月溫習時間表 ＋ 分層 checklist ＋ 答題技巧
◆ 點樣陪你駛去 5★★
物理號最強嘅用法，係做你嘅「概念羅盤」：照常做練習、做 past paper，一旦卡住、做錯、或者覺得某個課題唔熟 —— 停一停，翻返嚟查相關嗰粒星，由概念講解睇到常犯錯誤、生活例子、一句記住。咁樣你每次翻書都係補返一塊你真係缺咗嘅 piece，而唔係嘥時間重溫早就識嘅嘢。考試越近，越要咁樣 target 住弱點嚟溫。而書入面所有「常犯錯誤」同「考評焦點」，全部引自真實考評報告 —— 直接話你知考評局年年捉邊個伏、想要咩答法。
◆ 點揀邊幾冊？
· 必修 5 冊（卷一） —— 人人都要考，建議齊集。
· 選修 4 冊（卷二） —— Paper 2 四選二，揀返你考嗰兩科就得。
· 零號《領航》 —— 想有清晰溫習計劃、唔想亂，配住全套用最有效。
物理唔係靠死背，係靠通。當你揾到自己缺咗嘅概念、補返、再睇到佢同其他概念點樣扣埋，你會發現成個課題突然之間通晒。呢套書，就係陪你一塊一塊咁，砌返一幅屬於你自己嘅完整星圖。
加油，試場見。 —— 小馬 Sir
課程配套
🌐 全書中英對照，掌握常用專有名詞
⚠️ 考評局常犯錯誤及考評焦點
✅ 每個概念設有 Quick Check
🔗 標示跨課題連繫，建立完整概念網絡
⭐ 附設集星 Checklist 及留白筆記位置
📝 方便記錄口訣、錯題及複習日期
🧭 由概念理解、即時測試到應試部署，協助同學找出知識缺口，針對弱點溫習，逐步砌出屬於自己的 DSE Physics 完整星圖。
Siuma Sir 我 Physics 有 5 啊😭😭😭 見到成績嗰刻真係呆咗，之前完全冇諗過自己可以拎到 5。
好多謝你成日捉住我啲錯題同弱點，教我點樣執 keywords、寫清楚步驟，同埋避免失無謂分。最後真係衝到上去，多謝你啊😭🔥